I T A

L' amuri è nu granni sintimentu 'n capu àutri pirsuni, uggetti o armali. Secunnu la ntinzità e l'uggettu dû sintimentu, si vèninu a spàrtiri:

amuri di amici o amicizzia
amuri figghiali, matrali o qualisiasi ca veni datu a mèmmiri dâ stissa famigghia
amuri a bbèri cosi, lochi, armali...
amuri supra nu pinzeru, n'idea, ca veni innicatu tràmiti lu suffissu grecu filia
amuri di coppia

L'amuri di coppia è chiddu cchiù putenti, cumprenni dintra a iddu l'estimazzioni, lu rapportu sissuali e àutri sintimenti. È unu dê cchiù granni timàtichi dâ littiratura. St'amuri si carattirizza nti:
amuri platònicu o idializzanti
amuri curtisi, propiu dû Mediuevu
amuri rumànticu
amuri passiunali
amuri cuniugali, ca è tìpicu dû prutistantèsimu spiciarmenti

Li sìmmuli cchiù addupirati pi rapprisintari st'amuri sunnu lu cori, lu diu Eros-Cupidu e l'aneddu. Lu nnamuramentu e la siduzzioni sunnu li parti cuminzanti di l'amuri di coppia, chisti sunnu liati chimicamenti ê ferumoni.